റിമോട്ട് കണ്ട്രോള് ഗേറ്റിനുള്ളില് കുടുങ്ങി ഒമ്ബതു വയസ്സുകാരന് മരിച്ചതിനു പിന്നാലെ കുട്ടിയുടെ മുത്തശ്ശിയും മരിച്ചു.
കുട്ടിയുടെ മരണ വിവരമറിഞ്ഞ് ആശുപത്രിയിലെത്തിയ മുത്തശ്ശി ചെങ്ങണങ്ങാട്ടില് കുന്നശ്ശേരി വീട്ടില് ആസിയ (51) കുഴഞ്ഞു വീണു മരിക്കുകയായിരുന്നു.
വൈലത്തൂർ ചിലവില് ചങ്ങണംകാട്ടില് കുന്നശ്ശേരി അബ്ദുല് ഗഫൂറിന്റെയും സാജിലയുടെയും മകൻ മുഹമ്മദ് സിനാൻ (9) ആണ് ഇന്നലെ ഓട്ടോമാറ്റിക് ഗേറ്റിന് ഇടയില് കുടുങ്ങി മരിച്ചത്. അബ്ദുള്ഗഫൂറിന്റെ മാതാവാണ് ആസിയ. വ്യാഴാഴ്ച വൈകീട്ട് നാലു മണിയോടെയാണ് കുട്ടി കുട്ടി അപകടത്തില്പ്പെട്ടത്.
അടുത്ത വീട്ടിലെ ഓട്ടോമാറ്റിക് ഗേറ്റ് കടന്ന് പള്ളിയിലേക്ക് നമസ്കാരത്തിനു പോകുമ്ബോഴാണ് ഗേറ്റില് കുടുങ്ങിയത്. ഇതുവഴി നടന്നു പോകുകയായിരുന്ന നാട്ടുകാരനാണ് കുട്ടി ഗേറ്റില് കുടുങ്ങിക്കിടക്കുന്നത് കണ്ടത്. ഉടൻ ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല.
തിരൂർ ആലിൻചുവട് എംഇടി സെൻട്രല് സ്കൂളിലെ നാലാം ക്ലാസ് വിദ്യാർത്ഥിയാണ്. എല്ലാവരും ഹജ്ജിനു പോയതിനാല് അപകടം സംഭവിച്ച ഗേറ്റുണ്ടായിരുന്ന വീട്ടില് ആരും ഇല്ലായിരുന്നു. മഞ്ചേരി മെഡിക്കല്കോളേജ് ആശുപത്രിയില് പോസ്റ്റ് മോർട്ടത്തിനുശേഷം ചിലവില് ജുമാമസ്ജിദ് കബറിസ്താനില് ഇന്ന് കബറടക്കും.
Content Summary: After a 9-year-old boy died after getting trapped inside a remote-controlled gate, the boy's grandmother also died
മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു.. |
---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !