കോഴിക്കോട് കായക്കൊടിയിൽ അയൽവാസികളായ രണ്ട് പേരെ മരിച്ച നിലയിൽ കണ്ടെത്തി. ഒരാൾ കൊല്ലപ്പെട്ട നിലയിലും മറ്റേയാളെ തൂങ്ങിമരിച്ച നിലയിലുമാണ് കണ്ടെത്തിയത്. വണ്ണാത്തിപ്പൊയിൽ സ്വദേശി ബാബുവിനെ കഴുത്തറുത്ത് കൊല്ലപ്പെട്ട നിലയിലും അയൽവാസി രാജീവനെ തൂങ്ങിമരിച്ച നിലയിലുമാണ് കണ്ടെത്തിയത്. ബാബുവിന്റേത് കൊലപാതകമെന്നാണ് പോലീസിന്റെ പ്രാഥമിക നിഗമനം
രാവിലെ എട്ട് മണിക്ക് ശേഷമാണ് വീട്ടിലെ കിടപ്പുമുറിയിൽ ബാബുവിനെ മരിച്ച നിലയിൽ കണ്ടത്. കഴുത്ത് ശരീരത്തിൽ നിന്ന് വിട്ടുപോയ നിലയിലായിരുന്നു. ഹോട്ടൽ ജീവനക്കാരനായ ബാബു പുലർച്ചെ മൂന്ന് മണിയോടെയാണ് വീട്ടിലെത്തിയത്. രാവിലെ പുറത്തായിരുന്ന ഭാര്യ തിരികെയെത്തിയപ്പോഴാണ് ബാബുവിനെ കൊല്ലപ്പെട്ട നിലയിൽ കണ്ടത്
പോലീസ് പരിശോധന നടത്തുന്നതിനിടെയാണ് ചോരപ്പാടുകൾ നീണ്ടുകിടക്കുന്നത് കണ്ടത്. ഇത് പിന്തുടർന്ന് എത്തിയപ്പോഴാണ് രാജീവന്റെ വീടിന് പുറകിലുള്ള വിറകുപുരയിൽ രാജീവനെ തൂങ്ങിമരിച്ച നിലയിൽ കണ്ടത്.
Content Highlights: Kozhikode youth killed; Neighbor hanged himself
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !