കോട്ടയ്ക്കൽ : ബൈക്കിൽ നിന്നും തെറിച്ചുവീണ് ഗുരുതര പരിക്കേറ്റ മധ്യവയസ്ക ചികിത്സയിലിരിക്കേ മരണത്തിനു കീഴടങ്ങി.കോട്ടയ്ക്കൽ തോക്കോമ്പാറ കോടിയേരി വീട്ടിൽ പരേതനായ ഗോപാലന്റെ ഭാര്യ ബേബി (67)യാണ് മരിച്ചത്.
വെള്ളിയാഴ്ച രാവിലെ എട്ടു മണിയോടെ മകൻ എബിനോടൊപ്പം ചങ്കുവെട്ടിയിലുള്ള ജോലിസ്ഥലത്തേക്ക് യാത്ര ചെയ്യുന്നതിനിടെയാണ് അപകടം ഉണ്ടായത്. തൃശ്ശൂർ - കോഴിക്കോട് ദേശീയപാതയിൽ ചങ്കുവെട്ടി ഭാഗത്തു വെച്ച് ബൈക്കിന്റെ ചങ്ങലയിൽ സാരിത്തുമ്പ് കുടുങ്ങുകയും ബേബി തെറിച്ചു വീഴുകയുമായിരുന്നു.
അപകടത്തിൽ തലയ്ക്ക് ഗുരുതരമായി പരിക്കേറ്റ ബേബിയെ കോട്ടയ്ക്കലിലെ സ്വകാര്യ ആശുപത്രിയിൽ പ്രവേശിപ്പിക്കുകയും,പിന്നീട് വൈകീട്ടോടെ പെരിന്തൽമണ്ണയിലെ സ്വകാര്യ ആശുപത്രിയിലേക്ക് മാറ്റുകയും ചെയ്തു.
ശനിയാഴ്ച രാവിലെയാണ് മരണം സംഭവിച്ചത്.ചങ്കുവെട്ടിയിലെ കാന്റീനിൽ ജീവനക്കാരിയായിരുന്നു.നടപടി ക്രമങ്ങൾക്കു ശേഷം മൃതദേഹം ബന്ധുക്കൾക്ക് വിട്ടു നൽകും.
Content Summary: A middle-aged woman who was undergoing treatment for injuries sustained after falling from a bike in Chankuvetty, Kottakkal, succumbed to her injuries.
| മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു.. |
|---|
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !