തിരുവനന്തപുരം: തദ്ദേശസ്വയംഭരണ തെരഞ്ഞെടുപ്പിന് മുന്നോടിയായി സംക്ഷിപ്ത വോട്ടര് പട്ടിക പുതുക്കലിന്റെ ഭാഗമായി വോട്ടര് പട്ടികയില് പേര് ചേര്ക്കാനും തിരുത്തലുകള്ക്കുമുള്ള അവസാന തീയതി ഇന്നാണ് (ജൂണ് 21).
2024 ജനുവരി ഒന്നിനോ അതിനുമുമ്ബോ 18 വയസ്സ് തികഞ്ഞവർക്കാണ് അർഹത. ഉടൻ ഉപതിെരഞ്ഞെടുപ്പുനടക്കുന്ന 50 വാർഡുകള് ഉള്പ്പെടെ മുഴുവൻ തദ്ദേശ സ്ഥാപനങ്ങളിലെയും പട്ടികയാണ് പുതുക്കുന്നത്.
തദ്ദേശവോട്ടർപട്ടികയുടെ കരട് sec.kerala.gov.in വെബ്സൈറ്റിലും അതത് തദ്ദേശ സ്വയംഭരണ സ്ഥാപനത്തിലും വില്ലേജ്, താലൂക്ക് ഓഫീസുകളിലും പരിശോധിക്കാം. പേരുചേർക്കാനും തിരുത്താനും സ്ഥാനമാറ്റത്തിനും sec.kerala.gov.in എന്ന വെബ്സൈറ്റില് അപേക്ഷിക്കണം.
അപേക്ഷകര് വോട്ടര് പട്ടിയില് പേര് ചേര്ക്കാന് ഫോറം നമ്ബര് നാലിലും തിരുത്തലുകള്ക്ക് ഫോറം നമ്ബര് ആറിലും ഒരു വാര്ഡില് നിന്നോ പോളിങ് സ്റ്റേഷനില് നിന്നോ സ്ഥലമാറ്റത്തിന് ഫോറം നമ്ബര് ഏഴിലും sec.kerala.gov.in ലോഗിന് ചെയ്ത് ഓണ്ലൈനായി അപേക്ഷ സമര്പ്പിക്കണം. ഓണ്ലൈന് അപേക്ഷ നല്കുമ്ബോള് തന്നെ അപേക്ഷകന് ഹിയറിങ് നോട്ടീസ് ലഭിക്കും.
അക്ഷയ കേന്ദ്രം, അംഗീകൃത ജനസേവന കേന്ദ്രങ്ങള് മുഖേന അപേക്ഷ നല്കാം. വോട്ടര് പട്ടികയില് ഉള്പ്പെട്ടവരില് ആക്ഷേപമുള്ള പരാതികള് സംബന്ധിച്ച് ഫോറം നമ്ബര് അഞ്ചില് ഓണ്ലൈനായി ആക്ഷേപങ്ങള് രജിസ്റ്റര് ചെയ്യണം. രജിസ്റ്റര് ചെയ്ത പ്രിന്റ്ഔട്ടില് ഒപ്പ് വെച്ച് നേരിട്ടോ, തപാല് മുഖേനയോ ബന്ധപ്പെട്ട ഇലക്ടറല് രജിസ്ട്രേഷന് ഓഫീസര്ക്ക് (നഗരസഭാ-ഗ്രാമപഞ്ചായത്ത് സെക്രട്ടറിമാര്) ലഭ്യമാക്കണം.
ഓണ്ലൈന് രജിസ്ട്രേഷന് ഇല്ലാതെ ഫോറം നമ്ബര് അഞ്ചില് ഇലക്ടറല് രജിസ്ട്രേഷന് ഓഫീസര്ക്ക് നേരിട്ടോ, തപാല് മാര്ഗമോ ലഭിക്കുന്ന ആക്ഷേപങ്ങള് സ്വീകരിച്ച് ഇലക്ടറല് രജിസ്ട്രേഷന് ഓഫീസിലെ യൂസര് ഓണ്ലൈനായി രജിസ്റ്റര് ചെയ്യും. രജിസ്ട്രേഷന് നടത്താതെ ഫോറം അഞ്ചില് ലഭിക്കുന്ന ആക്ഷേപങ്ങള്ക്ക് ഇലക്ടറല് രജിസ്ട്രേഷന് ഓഫീസര് ആക്ഷേപകനും ആക്ഷേപമുള്ളയാള്ക്കും തിയതി രേഖപ്പെടുത്തി ഹയറിങ് നോട്ടീസ് നല്കും.
ഇലക്ടറല് രജിസ്ട്രേഷന് ഓഫീസര്ക്ക് ഓണ്ലൈനായും നേരിട്ടും ലഭിക്കുന്ന അപേക്ഷകള്, ആക്ഷേപങ്ങള് പരിശോധിച്ച് ജൂണ് 29 നകം തുടര്നടപടി പൂര്ത്തീകരിക്കുമെന്ന് തദ്ദേശസ്വയംഭരണ വകുപ്പ് ജോയിന്റ് ഡയറക്ടര് അറിയിച്ചു. ഓരോ പരാതികളിലുമുള്ള തീരുമാനം രേഖാമൂലം ബന്ധപ്പെട്ട അപേക്ഷകരെ അറിയിക്കും. തീര്പ്പാകുന്ന പരാതികള് അതത് ദിവസം ഇആര്എംഎസ്പോര്ട്ടലില് അപ്ഡേറ്റ് ചെയ്യും.
Content Summary: Local elections: Today is the last date to add names to the voter list; Opportunity for corrections
മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു.. |
---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !