മുംബൈ: ഏകദിന ക്രിക്കറ്റിലെ സെഞ്ചുറികളുടെ റെക്കോഡ് ഇനി വിരാട് കോലിക്കു മാത്രം സ്വന്തം. സാക്ഷാൻ സച്ചിൻ ടെൻഡുൽക്കറുടെ പേരിലുണ്ടായിരുന്ന 49 സെഞ്ചുറി എന്ന റെക്കോഡാണ് അദ്ദേഹത്തിന്‍റെ ഹോം ഗ്രൗണ്ടിൽ അദ്ദേഹത്തെക്കൂടി സാക്ഷി നിർത്തി കോലി മറികടന്നിരിക്കുന്നത്.
ലോകകപ്പിൽ ന്യൂസിലൻഡിനെതിരായ സെമി ഫൈനൽ മത്സരത്തിൽ, നേരിട്ട 106ാം പന്തിലാണ് കോലി മൂന്നക്ക സ്കോറിലേക്കെത്തിയത്. ഒമ്പതാം ഓവറിൽ രോഹിത് ശർമ (47) പുറത്തായതിനെത്തുടർന്ന് ക്രീസിലെത്തിയ കോലി, ശുഭ്‌മൻ ഗില്ലിനൊപ്പം 93 റൺസിന്‍റെയും ശ്രേയസ് അയ്യർക്കൊപ്പം 163 റൺസിന്‍റെയും കൂട്ടുകെട്ട് ഉയർത്തി.
113 പന്തിൽ ഒമ്പത് ഫോറും രണ്ടു സിക്സും സഹിതം 117 റൺസെടുത്താണ് കോലി മടങ്ങിയത്. ഈ ലോകകപ്പിൽ കോലിയുടെ മൂന്നാം സെഞ്ചുറിയാണിത്.
ഒറ്റ ലോകകപ്പിൽ ഏറ്റവും കൂടുതൽ റൺസെന്ന സച്ചിൻ ടെൻഡുൽക്കറുടെ റെക്കോഡും കോലി ഇതിനിടെ മറികടന്നു. 673 റൺസാണ് 2003ലെ ലോകകപ്പിൽ സച്ചിൻ നേടിയത്. കോലി ഈ ലോകകപ്പിൽ ഇപ്പോൾ 711 റൺസിലെത്തിയിട്ടുണ്ട്.
- ഏകദിനത്തില്‍ കൂടുതല്‍ സെഞ്ചുറി (50)
- ഏകദിനത്തിലെ ഒരു ഇന്ത്യന്‍ താരത്തിന്റെ അതിവേഗ സെഞ്ചുറി (52 പന്തില്‍)
- ഒരു ടീമിനെതിരേ ഏറ്റവുമധികം സെഞ്ചുറി നേടിയ താരം (10 സെഞ്ചുറി, ശ്രീലങ്കയ്‌ക്കെതിരേ)
- ഏകദിനത്തില്‍ അതിവേഗത്തില്‍ 8000, 9000, 10000, 11000, 12000, 13000 റണ്‍സ് നേടിയ താരം
- ഏകദിനത്തില്‍ അര്‍ധസെഞ്ചുറികളുടെ എണ്ണത്തില്‍ രണ്ടാമത്
- 2023 ലോകകപ്പിലാണ് കോലി ആദ്യമായി 500 റണ്‍സിന് മുകളില്‍ സ്‌കോര്‍ ചെയ്യുന്നത്
- സച്ചിനുശേഷം ലോകകപ്പില്‍ 1500 റണ്‍സിലധികം റണ്‍സ് നേടുന്ന ആദ്യ താരം
- ഒരു ഏകദിന ബൈലാറ്ററല്‍ സീരിസില്‍ ഏറ്റവുമധികം റണ്‍സ് നേടുന്ന താരം (ആറ് മത്സരങ്ങളില്‍ നിന്ന് 558 റണ്‍സ്)
- ചേസ് മാസ്റ്റര്‍ എന്ന പേരില്‍ പ്രസിദ്ധന്‍, 27 സെഞ്ചുറികളും സ്‌കോര്‍ പിന്തുടരുമ്പോള്‍
- മൂന്ന് ഫോര്‍മാറ്റിലും 50 ന് മുകളില്‍ ബാറ്റിങ് ശരാശരിയുള്ള ഏകതാരം
- ഒരു പതിറ്റാണ്ടില്‍ 20000 റണ്‍സിലധികം നേടിയ ഏക ബാറ്റര്‍ (2010-2019)
- ഒരു ലോകകപ്പില്‍ ഏറ്റവും കൂടുതല്‍ റണ്‍സ് നേടിയ താരം (2023 - 10* - 711*)
- ഒരു ലോകകപ്പില്‍ ഏറ്റവും കൂടുതല്‍ തവണ 50-ന് മുകളില്‍ സ്‌കോര്‍ ചെയ്ത താരം (8 തവണ)
- ഏകദിന റണ്‍വേട്ടയില്‍ മൂന്നാം സ്ഥാനം
Total Innings: 279 | 100s: 50 | Batting First: 23 | Chasing: 27 | In Win: 41*
Content Summary: 50 centuries: Kohli surpasses Sachin Tendulkar's two records
| മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു.. |
|---|
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !